BISMUT VOLFRAMAT (Bi₂WO₆, BiWO₄) NI SINTEZ QILISH USULLARI: ZAMONAVIY YONDASHUVLAR TAHLILI

Maqolada vizual nur ta'sirida faol fotokatalizator sifatida keng qo‘llaniladigan bismut volframat (Bi₂WO₆, BiWO₄) ni sintez qilishning zamonaviy usullari —qattiq fazali, gidrotermal/solvotermal, sol-gel, cho‘ktirish va eritma-kombustiya, mikroto‘lqinli hamda shablon yordamidagi usullar —tizimli tahlil qilingan. So‘nggi yillarda chop etilgan 15 dan ortiq ilmiy manba asosida har bir sintez usulining material morfologiyasi, kristallit o‘lchami, solishtirma sirt yuzasi, taqiqlangan zona kengligi va fotokatalitik faollikka ta'siri qiyosiy baholangan. Shuningdek, legirlash va kislorod vakansiyasi muhandisligi kabi sintezdan keyingi modifikatsiya strategiyalari ham ko‘rib chiqilgan. Tahlil natijalari gidrotermal/solvotermal usulning morfologiyani boshqarishdagi ustunligini, past haroratli tez usullarning esa amaliy jihatdan istiqbolli ekanligini ko‘rsatadi.