PAXTA XOMASHYOSINI QURITISHNING KO‘P PARAMETRLI AVTOMATLASHTIRILGAN MONITOTING TIZIMINI ISHLAB CHIQISH

Maqolada paxta xomashyosini quritish jarayonining texnologik parametrlarini raqamli monitoring qilish va masofadan boshqarish imkonini beruvchi avtomatlashtirilgan tizimning takomillashtirilgan arxitekturasi ishlab chiqilgan. Taklif etilayotgan yechimda harorat, namlik, bosim va havo tezligi datchiklari PLC-150 kontrolleri bilan bog‘lanadi, ma’lumotlar esa Wi-Fi/GSM aloqa kanali orqali SCADA va web-dashboard muhitiga uzatiladi. Jarayonning asosiy boshqaruvchi parametri sifatida quritish harorati va ventilyatsiya tezligi tanlanib, PID algoritmi yordamida ularning barqarorligi ta’minlanadi. Tahliliy va eksperimental hisoblashlar taklif etilgan tizim energiya sarfini 15–20 % gacha kamaytirishi, quritish aniqligini 10–12 % ga oshirishi hamda operatorning doimiy aralashuvini 60–70 % ga qisqartirishi mumkinligini ko‘rsatdi. Ishlab chiqilgan yondashuv paxta quritish agregatlarini Industry 4.0 konsepsiyasi asosida modernizatsiya qilish uchun amaliy asos bo‘lib xizmat qiladi.