HOMILADORLIK VA TUG'RUQ VAQTIDA HOMILA HOLATINI BAHOLASH: HOMILAGA XAVF SOLUVCHI HOLATLAR VA HOMILA DISTRESS SINDROMI

Ushbu maqolada homiladorlik va tug'ruq jarayonida homila holatini zamonaviy usullar yordamida baholash masalalari tahlil qilingan. Kardiotokografiya (KTG), biofizik profil, umbilikal arteriya dopplerometriyasi kabi diagnostik usullarning imkoniyatlari va cheklovlari xalqaro amaliy tavsiyalar (ACOG, FIGO, VJST, ISUOG) va Cochrane tizimli sharhlari asosida ko'rib chiqilgan. Homilaga xavf soluvchi asosiy holatlar –homila o'sishining cheklanishi, platsentar yetishmovchilik, ko'p suvlilik va kam suvlilik, kindik tizzasi patologiyalari, tug'ruq faoliyatining buzilishi –tizimlashtirilgan. Homila distress sindromining zamonaviy tushunchasi, uning patofiziologik mexanizmlari, diagnostik mezonlari va akusherlik taktikasi bo'yicha ma'lumotlar keltirilgan. Xulosa qilinganki, homila holatini kompleks baholash, ya'ni klinik, kardiotokografik va ultratovush-doppler usullarini birgalikda qo'llash, salbiy perinatal natijalarni kamaytirishning asosiy sharti hisoblanadi.