BOLALARDA BRONXIAL ASTMADA NAZOFARINGEAL MIKROBIOTA TAHLILI

Maqolada bronxial astma bilan kasallangan 30 nafar monoinfeksiya, 30 nafar koinfeksiyali bolalarda va amaliy sog'lom 30 nafar bolada nazofaringeal mikrobiota tarkibi va uning klinik-funksional ko'rsatkichlar bilan bog'liqligi tahlil qilingan. Monoinfeksiyada yetakchi patogenlar Streptococcus spp. (40,0%), Staphylococcus aureus va Klebsiella pneumoniae (16,7% dan) bo'lgan. Koinfeksiyada Streptococcus spp. chastotasi 80,0% gacha (OR=6,00; p=0,003), S. aureus 63,3% gacha (OR=8,64; p<0,001) oshgan, Candida spp. 20,0% holatda aniqlangan. Bu bakterial-zamburug'li assotsiatsiyalar shakllanganligini ko’rsatadi. K. pneumoniae esa koinfeksiyada umuman uchramagan (p=0,052). Mikrob assotsiatsiyasining kengayishi bronxial o'tkazuvchanlikning pasayishi (%PEF 61,7% ga qarshi 66,4%; p=0,011), hayot sifatining yomonlashuvi (PAQLQ 4,49 ga qarshi 5,02; p=0,025) va %PEF–PAQLQ bog'liqligining kuchayishi (parsial ρ=0,847) bilan kechgan. ROC-tahlil koinfeksiyani klinik-laborator yo'l bilan aniqlash imkoniyati cheklanganligini (eng yaxshi marker %PEF, AUC=0,692) va nazofaringeal bakteriologik tekshiruvning zarurligini ko'rsatdi.