AES, KUZNYECHIK VA SM4 ALGORITMLARINING MATEMATIK MODELI VA KRIPTOGRAFIK BARQARORLIGI TAHLILI

Ushbu maqolada Advanced Encryption Standard, Kuznyechik hamda SM4 blokli shifrlash algoritmlarining matematik modeli va kriptografik barqarorligi qiyosiy tahlil qilindi. Tadqiqot davomida algoritmlarning S-box tuzilishi, diffuziya mexanizmi, chekli maydonlar arifmetikasi hamda raund transformatsiyalarining ishlash prinsiplari o‘rganildi. Shuningdek, differensial va chiziqli kriptotahlilga bardoshlilik, avalanche effekti va kalit uzunligining xavfsizlikka ta’siri tahlil qilindi. Natijalar shuni ko‘rsatdiki, AES algoritmi yuqori tezkorligi va xalqaro standart sifatidagi ishonchliligi bilan ajralib turadi, Kuznyechik algoritmi kuchli diffuziya mexanizmi orqali yuqori kriptografik barqarorlikni ta’minlaydi, SM4 esa iterativ tuzilishi va nolinear almashtirishlari sababli zamonaviy axborot xavfsizligi tizimlarida samarali qo‘llanilmoqda. Tadqiqot yakunida ushbu algoritmlarning matematik asoslari ularning amaliy xavfsizlik darajasini belgilovchi asosiy omillardan biri ekanligi aniqlandi.