TABIIY TILNI QAYTA ISHLASH YONDASHUVI BILAN INTEGRATSIYALASHGAN RAQAMLI TIBBIYOTNI MASOFADAN MONITORING QILISH DASTURINI ISHLAB CHIQISH

Ushbu maqola tabiiy tilni qayta ishlash (NLP) texnologiyalari bilan integratsiyalashgan yurak-qon tomir kasalliklarini masofadan monitoring qilish dasturini ishlab chiqish konsepsiyasi taklif etiladi. Taklif etilayotgan tizim bemorlarning erkin shakldagi shikoyatlarini sun’iy intellekt asosida tahlil qilish va IoT sensorlardan keladigan klinik ma’lumotlar bilan birlashtirishga mo‘ljallangan. Tizim BERT asosidagi NLP modeli yordamida bemorlarning so'z shaklida ifodalangan shikoyatlarini avtomatik tahlil qilib, IoT sensorlardan keladigan klinik ko'rsatkichlar bilan birgalikda qayta ishlaydi. Taklif etilgan arxitektura gipertenziya, aritmiya va yurak etishmovchiligini kuzatishda bemorning shifoxonaga qatnashish zaruriyatini kamaytirish hamda tibbiy xodimlarning ish yukini optimallashtirish imkonini beradi. Tadqiqot nazariy-metodologik asosda olib borilgan bo‘lib, tizim arxitekturasi, ma’lumotlar oqimi, NLP moduli va xavf baholash mexanizmi ishlab chiqilgan. Maqolada bajarilishi rejalashtirilgan amaliy bosqichlar, modelni validatsiya qilish mexanizmi va klinik integratsiya istiqbollari yoritilgan.